Cosimo Impallomeni - La scuola

No sacciu su fu per i mali cunsigghi delle vicine o picchì ci crireva ma arrivau u tempu ca me matri saffissau ca iu avagghiri a scola. 

Iu ciu riceva ca non cinnera bisogno. Che le cose ca mi sivvevunu iu i sapeva tutti. Ca era sulu tempu persu. Idda però faceva finta di non sintirimi e parrava ca cummari Cuncittina e cu so soru Iaffia ca chisti facevuni i bidelli e perciò erano preparate.

Me matri ci chiedeva cunsigghiu e iddi parravunu e ciaccalavano la testa: "ca sì alla mia età era necessario" e "non si puteva fari finta di nenti" picchì "u carusu macari sulu a leggere e a scrivere e a nsittari i numera cera bisogno". 

Accussì ca già listati ava finutu marritruvai intra a una stanza cu una trentina di carusiddi e carusidde e u maestru Cosentino assittatu comu a un pascià anmezzu a carti e libra ca ci taliava comu si taliunu i bratti na cucina.

I primi ionna iu fici finta di nenti ca mammucciava arreri allautri e quasi era comu su non ci fussi. Eppoi mi piaceva a lavagna niura che appena potevo pigghiava i gessetti e disegnavo e acculuravo. Fu quella la mia disgrazia ca una matina mi scurdai di cancellare tutto prima ca Cosentino traseva nella classe e iddu accuminciau  a taliari e a fari smorfie ca ucca e savvicinava e sallontanava e poi mi rava occhiate comu a spiarimi. Accussì mi passi comu summadumannava se veramente lavevo fatto io ma macari chissà chi autru ci passava na testa. 

"È u pararisu" ci rissi e iddu arriririu e poi mi resi una mala tumbulata na facci.

"No fari chiù" ci nisciu da ucca e poi sassittau. Iu mi stesi mutu e a matinata passau tranquilla ma u ionnu dopu Cosentino non vinni e mancu u ionnu appressu e lautri ancora. 

Cuncittina ci cuntau a me matri di du povuru cristano ca si ciavanu ruttu i freni da machina na scinnuta do Castidduzzu e ava finutu contro un camion cacchianava. 

Iu ascutava e continuava a jucari ma mi passi ca tutti rui a un certo punto mi talianu stortu.

Cosimo Impallomeni - Minnulata

Me matri u sapeva però ca iu non eru tintu e accussì macari se quacche vota ci passava na testa di darimi na sugghiata di coppa poi ciccava di trattinirisi e maccarizzava a testa e mi rava vasuni e mi riceva paruli duci ca iu ci stavu bonu e mi pigghiava tutti quelle cose belle che fanno bene ai cristiani. 

Un giorno ca ni stavumu facennu una passiata ci vinni vicinu a lapa do gelataru e idda maccattau una granita di mandorla e na brioscia che marricriai tutto. 

"Ti piaci?" mi spiau.

"Si o 'mà. Assai. E tu? Non ta pigghi?" ciarrispunnii.

"No. Non mi fa cori ora"  mi rissi taliannumi tutta contenta della mia cuntintizza.

Iu no puteva sapiri ca ciavunu finutu i soddi però minaccuggii ca quella matina non passau mancu a pigghiari u pani da iunnata e ni mangiamu a muddica do ionnu prima. Accussì mi vinni na testa cava fari qualche cosa e nvitai tutti lamici pa iunnata dopo ca era duminica e macari le loro matri che la strada era china china come al tempo della processione e tutti saddumannavunu chi succireva e me matri ca non sapeva nenti macari riceva "ma chi è tutta sta genti?" "ma chi volunu davanti a me casa" "chi succeri?" . 

Idda non sinnava accuggiutu ca iu ava nisciuto prestu e ca quannu fui sicuru ca non mancava nuddu alla festa mi prisintai cu du vacili chini di minnulata e quattru cesti chini chini di briosce ca u ciauro inchiu tutto il quartiere e tutti accuminciarunu  a manciari e nuddu spiau di unni niscevuno fora quelle meraviglie ca ognunu si sivveva senza fari confunsioni e senza acchiapparsi e tutti furono contenti. Me matri però u capiu ca ava statu iu e marririu senza farisi viriri dallautri.

Cosimo Impallomeni - Inferno e Paradiso

Ecco a sta cosa che io non ne portavo rancore non ci crirevunu assai molta gente che a causa di qualche muzzicuni di Ciccio e di qualche pirata ca mi scappau sempri chiù spissu di rari per difendermi o per divertimento tanti fimmini sinni ievunu di me matri a dirici ca iu eru tintu e che non cinneveva arucazioni. Lei ciarrispunneva ca eru nicu e si scusava ma poi qualche scuppuluni pimmia ci scappava che povera donna non lo sapeva comu ava fari cummia.

E comunque u tempu passava e iu addivintava sempri chiù ranni e rossu. Ciaveva oramai tri anni. Stava addivintanu vecchiu. Forse fu picchistu ca accuminciai a siddiarimi a stari a casa e macari iucari fora mi era venuto a noia. Accussì minni ieva sempri chiù lontano e vanedda dopo vanedda scoprivo il quartiere. Certo i cristiani che incontravo mi pigghiavunu ancora per picciriddu ma iu u sapeva ca non era accussì. U sapeva ca u me ciriveddu funzionanava megghiu da loru canigghia e che dove loro virevunu sulu così normali io invece ci trovavo raggioni e ingiustizia o sulu bisogno damuri. 

Me nero accorto di questa cosa di questa mia dote con quelli della religione ca un paru di voti mi capitau ca mi firmanu i monachi e i preti e i testimini di geova macari. Che sempre questa cosa succireva che prima quannu mi virevunu loro pinsavunu che io mi ero perso o che ero orfano o qualche autra minchiata e poi invece attaccavunu a farimi discussioni supra u pararisu e linferno e chistu si fa e chistu non si fa e iu invece ciarrinisceva sempri a cunfunnerli e a pigghiarli po culu che alla fine mi maledivano e minni facevuni iri che per loro ero il diavolo.

Cosimo Impallomeni - Nitto Calacausi

Ora che ciavevo compagnia a picca a picca me matri mi fici nesciri chiossai na strada e alli voti macari senza di idda. Fu accussì caccuminciai a canusciri autri carusiddi. A farimi amici e nemici. Pecchè certo tanti erano simpatici ma a qualcuno ciavissa scippato a testa. Il fatto è ca pinsavunu ca ero ancora troppu nicu quando invece arragiunavu megghiu di iddi. Ciccio era sempre vicino ammia e quando tornavamo a casa addiscurrevumu su quella che era stata la giornata. 

Mi ricordo una vota unu che lo chiamavano Nitto Calacausi picchì pisciuliava e cacava in continuazione che marrubbau una machinina che me laveva arrialata u nannu. Ciccio ciabbaiaiu tuttu u tempo pi farisilla turnari ma iu macari ca mi misi a chianciri non cià resi pi vinta a quella prepotenza.

A iunnata dopo appena u visti accalarisi tutto concentrato arreri a un muretto ciabbiai na bella zazzamita ne mutanni ca iddu nella confusione del momento non capiù chiù nenti e sarritirau a casa tuttu cacatu. Però du carusiddu da quel giorno non mi inquietau chiù e na vota ca eravamo a para iu non ci puttai chiù malanimo.

Cosimo Impallomeni - Domenica

Senza puppetta senza soddi e ca fami na panza niscemu quella prima duminica iu a mamma e Ciccio. Un giro alla Villa a taliari i papiri e il cigno e i cristiani tutti allicchittiati per la festa. 

Cera nsuli e nciauru ca furiava a testa e metteva festa.

Me matri sassittau in una panchina mentri iu assicutava i palummi e Ciccio mi curreva darreri. Ad averne ciavissa ratu qualche muddichedda a quelle per la compagnia ma maddivittevu u stissu ca iddi quando mavvicinavo avvulavano facennu una confusione come di un botto e poi mentri ancora taliava lultimi nalaria accuminciavunu a calari arreri e me spaddi comu a vulirimi sfidari. 

A Ciccio invece non ci interessavano tanto. Curreva. Scavava tannicchia di terra. Pisciava cuntentu e ciaurava u culu di qualche compagna però sempre tenendomi docchio che quando pensavo di averlo perso me lo ritrovavo sutta i peri.

Allimprovviso me matri mi chiamau a vuci di testa che ero lontano: 

"Cosimo Cosimo veni ca! Spicciati!"

Cerano vicino a lei tri fimmini che io non le conoscevo e mancu idda mi passi. 

"Cosimo veni ca! Queste signore mi rissunu ca ti vistunu iucari co cani e tarricunuscenu. Macchiffà u rubasti? Cosimo veni ca. Rimmi a verità"

"Mano o ma' era davanti a porta da casa. Tu rissi. Ta cuntai a storia" Ciarrispunnii na me testa che le parole non erano chiare ma idda mi sapeva capiri.

"Va bene. Va bene. Visto signore ca me figghiu u truvau?"

"Ma no signora non era questa cosa..." e una delle tre chidda chiù anziana ci fici un sorriso parrannu come di chi non si è fatta capire "... non è questo. È che lo abbiamo visto giocare e abbiamo pensato... abbiamo ricordato... certo, ci era stato detto..."

"Ecco questo è per lei, se non si offende" proseguì a minzana che mi passi che ciaveva una funcia come a quella delle scimmie che avevo visto nel cartellone del circo mentri ci rava una busta china di vistiti nelle mani a me o ma'.

"Sì infatti - continuò la terza ca era chiu niura do carvuni - noi abbiamo pensato che... " ma non finiu le parole che nelle mani ci visti che ciaveva un bastone di zuccuru filato e idda sinaccurgiu di quella mia taliata e mu piazzau davanti a ucca prima di darammillu ne manu. 

"Noi ora dobbiamo andare"  riprese la prima "però la prego accetti questi da parte nostra" ci rissi a me matri mettendoci nelle mani una banconota appena nisciuta da banca. 

Giuru carristamu amminchiunuti ca mancu naccurgemu che quelle erano come erano arrivate accussì sparenu. Però con un arancinu ne manu e una gazzusa na ucca il ricordo ci venne bello chiaro e quella domenica ci passi veramente comu u ionnu do signuri.

Cosimo Impallomeni - Ciccio

A du anni già caminava e curreva quasi e niscevu tuttu cuntentu fora do pisolu da porta fino alla strada. 

U truvai accussì a Ciccio. U mè cani. Stava arreri a una machina posteggiata di facci a me casa e taliava a genti passari. E però chiddi parevunu non accorgersi di lui e iddu macari non ci dava confidenza a dì cristiani.

Era nicu  nicu e tuttu niuru comu a lava quannu si vagna e cu na facci longa e du aricchi ca pinnevunu come a gioielli. Aveva macari una cura ca sattorciniava tutta come a un punto interrogativo o stava ritta comu a una freccia dellindiani. Ciccio non lo sapeva ancora di chiamarisi Ciccio però quannu u pigghiai ne me manu non si ribellò anzi accuminciau a liccarimi comu su fussi un gelato. 

A mamma non era molto contenta di questa mia nuova amicizia quannu u visti. Però poi pinsau ca macari puteva essiri ca Ciccio mi faceva cumpagnia e che lei mi puteva lassari cu iddu mentri sinni ieva a travagghiari. E accussì fu infatti. Già il giorno dopo priparau u mangiari pimmia e pi iddu. Addumau i luci. Chiuriu a porta a chiavi e sinni iu tutta preoccupata ma china di fiducia. Ci aveva fatto un discorsetto a tutti rui prima di nesciri ed era sicura che lavevamo capito.

U primu ionnu rumpemu una seggia e due bomboniere di ricordo di un matrimonio e di una cresima. U secunnu scusemu tutta la coperta ca stava supra u divanu  e il terzo ni mangiamu tutti i puppetta ca me matri ava pripatatu per la domenica. Insomma era un divertimento continuo che io inseguivo a lui e lui inseguiva ammia e poi naddumiscevunu e poi iucavumu di novu e iu accuminciai macari ad abbaiari quannu sarritirava me o ma e secunnu mia Ciccio macari ci provava a parrari cu idda comu ammia però lei non lo capiva.  

Cosimo Impallomeni - Il paradiso

Non cera sulu me nannu a farimi furiari picchi me matri mi puttau quasi subito cu idda ne sò giri di travagghiu. 

Faceva i pulizii ne casi da genti e lavava i scali e i robbi e stirava e azziccava ugghi nei causi scusuti e ne cammisi. Insomma non ciaveva rizzettu pi tutta a iunnata che i soddi sivvevunu per la padrona di casa nostra e per mangiari e ora ca ero arrivatu macari iu i soddi pareva ca non ciabbastavano mai.

Idda dava l'impressione di non stancarisi mai e arrireva e cantava tutta a iunnata travagghiannu comu fussi na rosa frisca di primavera. Ni sti giri iu stava tranquillu na carrozzina o appizzato e so minni. Rummeva mangiava e sapeva ca idda cera. Un paradiso insomma. 

I so clienti non facevano storie per quella strana presenza nelle loro case. Allinizio certo ci fu qualche domanda 'mbacciddera ma poi tra il fatto che non ricevevano risposta e quello chiù importante che me matri custava picca e travagghiava bonu nessuno chiese chiù autru. 

A sira poi quannu ciarritivavumu a casa idda mi puliziava bonu e mi cangiava prima daddumiscirimi. Iu arrivava stancu comu su fussi a me a fatica e crollavo subito sutta u linzuleddu pulitu. Ogni tanto però a sinteva ca sarriminava e si mummuriava sutta a cuperta tutta cuntenta ma non erano fatti mia chiddi che anche lei aveva diritto ai sò piccoli paradisi e accussì minnistavu mutu prima daddumiscirimi di novu.

Cosimo Impallomeni - Grazie nonno

U fattu era ca iu ero nato bastardo e sta cosa non ci calava a me nanna che lei la figghia a vuleva sistemata e non come a una tapallara qualsiasi. Me nannu a stu fattu invece non ci badava e mi faceva iucari e mi tineva ne so iammi e mi cunuttava su chiancevu comu chianciunu tutti i picciriddi. Era a sò rivincita ca finalmente ciaveva un erede invece di aviri sulu a me o ma'. 

Accussì crisceva e addivintavu sempri chiù ranni e rossu ca tutti si meravigliavano e arristavunu muti a taliarimi.

Con la cosa della bastardaggine invece mi evitai u battesimu e tutti i cosi della chiesa, ma u nannu quannu fici u me primu cumpliannu volli festeggiari u stissu e mi purtau a farimi canusciri i so amici della putia. Accussì tra 'mbicchieri di zibibbo e du ova ci fu la mia prima vera presentazione al mondo. 

Fu un fatto particolare perchè mentre ciaveva ne manu un pasticcino accattato pimmia e mi ci puliziavu a facci tuttu cuntentu mi susii da supra u tavulu piritiannu e mi niscemu i me primi paroli:"Grazie nonno". Poi massittai tuttu soddisfatto e mancu ci fici casu su dautri mavivanu sintuto 'mbriachi comerano e russi na facci comu a diavoli scatenati.

Cosimo Impallomeni

Quannu nascii iu, Cosimo Impallomeni, nascii supra u tavolu da cucina che me matri lavevano misa da e la zia Cuncittina ci tineva una iamma e la signora Ferlito lautra e Iana a mammana era assittata supra a sò panza. 

Forse fu pì chistu, per il posto intendo, che appena ittai u primu vaggiri mappizzai alle minne di quella santa donna e non cià finii chiù pi na para di anni. Unchiavu e criscevu bonu di saluti e di panza e fù accussì finu a quannu non mi spuntanu i renti e addivintau difficili sucari senza muzzicari. 

Epperò quella nascita continuò a sintirisi na me vita ca passai direttamente a pani e sasizza e nabbagnata di vinu supra a ucca ogni tanto quannu u nannu passava a fari visita ammucciuni da nanna.

alli voti

alli voti 

su u cori mi luccichia 

sentu u munnu comu su fussi tuttu 

intra di mia e iu 

intra di iddu, allura

arriru cuntentu

e cantu, mallisciu, mi movu

ni sta pazzia

Chittaia diri?

Chittaia diri? 

Ca cà ci si cunfunni taliannu culi e bummi, fami e ricchizza, vittime e assassini? 

Chittaia diri? 

Ca taliamu e taliamu e non viremu nenti ca nenti savviriri?

Chittaia diri? 

Ca fussi ura d'astutari tutti cosi e nesciri e parrari e futtiri e mbriacarisi e santiari?

Chittaia diri? 

Dimmi chittaia diri? 

Tu marrispunni inglisi e pari ca ne capisci sti paroli di vecchiu.

E arriri. E isi i spaddi comu su u cuntu nun fussi u to.

Chittaia diri allura figghiu miu? 

Nun c’è firmata no ciumi della storia. C'è d'acchianari controcorrente a rina.

C'è di fari ponti e dighe e canali.

C'è di mazziari, stringennu l'anima e i renti.

[condomini] NaiuNaiu

Appena sarrusbigghiava NaiuNaiu si sinteva sempri tannicchia in confusione. Si vutava a ritta e a manca. Si stirava tuttu e appoi sarritirava no bagnu pi pisciari ma soprattutto pi taliarisi allo specchio. Avvicinava a nasca o vittru e accuminciava l’ispezione e si tirava a facci che ita e sa munceva e sa sciacquava e alla fine accuminciava a fari mille smorfie che a taliarlu di fora unu avissi arrirutu fino alle lacrime. Erunu facci tristi e felici. Intelligenti e babbasunazzi. Di dumanna e di risposta. Una recita insomma. NaiuNaiu fineva sulu quannu pinzava di averla ritrovata a facci so nmezzu a tutte quelle. A facci giusta. Chidda ca canusceva. 

Accussi soddisfatto nisceva do cessu e sassittava pi fari colazione. Una cosa veloce che ciabbastavunu un cafe e du viscotta prima di nesciri per andare a rapiri il negozio. Quella era la sua vita e a lui ciabbastava poco e picca pi iri avanti. U cristianu non l’aveva trovata una fimmina giusta. Una mugghieri. Dei figghi. Oramai a farici cumpagnia ava arristatu sulu nacidduzzu ca cantava appena u vireva passari nella cucina e che poi lo aspettava per avere u manciari novu.

NaiuNaiu scinneva i scali e ci dava una controllata alla posta macari se già laveva vista quando era ritornato la sera prima. La sua era lunica cassetta ancora in ordine del palazzo. Le altre ciavevano lo sportellino che non funzionava oppure erano scassati di supra che serano dimenticati lo chiavi oppure ancora ciava arristatu sulu u chiovu dove un tempo eranp appinnuti. Quella sua no. Il nome era scritto supra a una bella targhetta dorata: Filogamo Barbagallo cera misu e NaiuNaiu ogni volta se lo ripeteva nella testa tutto contento.

La merceria era appena fatti cento metri. Filogamo rapeva a saracinesca addumava i luci e aspittava . Già na matinata spuntava sempri qualche cliente. 

“Cinnavi chiacchi?” ciaddumannava a signora Teresina. “Naiu naiu” arrispunneva iddu che quello era diventato il suo canto di battaglia.

“Mi finiu u sciampu” ci riceva a carusidda. “Naiu naiu“ ripeteva il signor Barbagallo.

“NaiuNaiu mi sevvi na pinna pa scola” ci scappava di diri o picciriddu. “Naiu naiu “ Riceva arrirennu NaiuNaiu per quella scortesia sincera.

Insomma ogni iornu a fine travagghiu Filogamo riscopriva di essere NaiuNaiu e questo lo faceva contento che pensava che se era nato per qualche motivo era per quello.

[condomini] strade

Abbiata na strada a iatta camina attenta e sauta e si ferma e fa ancora qualche passo fino a quannu non  arriva alla salvezza. 

Alli voti allautri iatti non ciarrinesci questa prodezza. Qualche dubbio. Una esitazione. Forse una strada troppu longa da attraversare. Forse troppu forte la distrazione. La confusione.

Alli voti quannu arriva il pericolo a iattaredda ciarrinesci u stissu a sautari. A salvarsi. Alli voti no.

Accussì i cristiani. 

[condomini] memoria

 Alli voti alla notti accumenciu a pinsari alle persone che ora non ci sono chiù e mi accorgo che di tanti di questi cristiani non mi ricordo mancu il nome e nemmeno la facci a dire il vero. E questo la maggiore parte delli voti.

Allora mi addumannu cosa arresta di tutti questi. Na me menti certo. Che per il resto forse non ci sù chiù mancu li ossa. E quello che mi arrispunnu è che di loro ciaiu ricordi fatti di sensazioni. Di frasi smuzzicate e di vuci. Di sguardi dati ammucciuni o sparati na facci. Di ciuaru insomma. Dove cè tutto e non cè nenti. Comu una fantasia.

E poi mi rendo conto che di qualcuno di questi non ci trasi mancu laverci passato tanto tempo nsemula. Che a volte è bastato poco. Una gioia. Una malacumpassa. Nvasuni.

Puntuale come la morti poi arriva il pensiero la curiosità di sapiri se la stessa cosa succeri allaltra genti. Immaginare quello che di me arresta in questo mondo. Ancora qualche anno. Qualche decennio forse.  Prima di spariri. 

Accapo siculi

 "Mai si è troppo giovani o troppo vecchi per la conoscenza della felicità "

vulissi ca stu ventu ti purtassi ammia

macari ca no sacciu cu sì

macari ca è follia

e mentri sta nivi ti vesti di luci

vulissi co suli a veniri tarrialassi na vuci

vulissi ca l'amuri turnassi

na sta testa

vulissi ancora

e ancora

mentri a notti cala

lesta

Aci (a G.L.)

Terra,

pi cummigghiari u focu,

e acqua,

parrusbigghiari i sensi.

Aria, poi,

comu stu ventu ca porta ciauru di meli,

di tia,

di sta notti lucenti,

di sta luna sbirra

ca spogghia, gilusa,

ti talia.

Didascalica

A un certo punto putissimu riri ca finisci tuttu.

Na stu sirrari di cosce. Na stu vuoto

c'acchiana fino alla testa. Na sta luci

c'adduma locchi. Che fa tempesta.

C'è chi giura.

Come se l'amuri fussi sulu stu piscari.

E cu piscaturi e cu pisci

na stu mari.

No. No sacciu comu ci arrinesci a diri chistu l'altra gente.

Cetto. A un certo punto putissimu riri ca finisci tuttu

ma io e tu u sapemu ca non è accussì. Che no.

Non è veru nenti.

La strummula

Avavviriri cumu scinneva

de scali dell'Annunziata

era iocu di ventu

strummula incantata.

Amminchiulutu

taliavo ammucciuni da biddizza

du mari ricco

da terra desiderata.

Autri tempi, tempi felici

in cui non era vanto

e gloria

na tinta sucata

Corte

Accussì accumenciu a camminari

stancu, senza chiù sogni a dari

quannu all'improvviso viru na fantasia:

sutta na bannera svintulia,

in menzu a tanti autri, na picciridda

pari russu ciato, poesia,

sta niciula cusidda.

Persa felice ne so cosi,

na stu ventu, ioca ignara 

d'ogni inutili turmentu.

Continuo allora chiù leggero ad avanzari.

"Quannu a vecchia spiranza sicca

un ciuri novu arriva"

chista, mi ricu, è la liggi do campari.

desideri

Vulissi ora aviri

due coppette

di ceusa niuri e panna chini chini.

Una pittia,

a copiare, ne me occhi, la tua bocca.

Una pimmia,

a stutari st'ansia sciocca.

Tre

Dammi tri cosi

no me piattu

dammi tri cauci

arriva u iattu

dammi tri aranci

dammi tri luni

dammi la morti

cu nu vasuni

La vita

E cè cu chiuri locchi.

Cu abbia pitrati.

Cu arriri senza senso

e cu si fa abbati.

Cu cerca i so amici.

Cu preia diu.

Cu futti.

Cu allucia.

Cu " ci pensu iu".

E cè cu talia rittu.

Cu pigghia u vastuni.

Cu mangia senza pitittu

e cu fa u crastuni.

Cu si ietta nterra.

Cu accumencia a fumari.

Cè cu si caca ncoddu.

Cu scumpari.

E cè cu fingi festa.

Cu si ietta a mari.

Cu ammazza a famigghia.

Cu si fa arristari.

Cu fa attentati e cu si marita.

Cu sforna figghi e cu si rifà una vita.

Vaghireh

Sarà per questo che i poeti sono poeti

che loro taliano tutti i ruppa della vita

e a volte non ce la fanno a sopportare quelle imperfezioni

della trama

e altre invece se ne innamorano

che pari che non putissuru vivere senza.

Sarà per questo

penso

che di certo loro mancu u sannu

e scrivono e parlano

senza viriri

su c'è chi li senti.

rosa

vulissi aviri na rosa

na rosa ciaurusa

selvaggia

na rosa pi pungirimi 'mpocu

russa

do me sangu iaggia

na rosa vera

poesia

a calmare la raggia

iu su putissi

iu su putissi

ti mittissi dentro

alle faule antiche,

quelle di Rolando

e del prode Paladino,

quelle dove il drago muore,

quelle che si sa il destino.

iu su putissi

massittasi ogni sira

no scuru do me mari

aspittannu

i luci del cielo chini,

l'occhi stanchi

amari.

iu su putissi

mi bastassi

tiniriti stritta

arrubbariti un sorriso

diriti ca è festa

picchì quannu ti viru

è sempri accussì,

ci sì tu na me testa.

28 febbraio 2013

E poi unu mori u stisso.

E se travagghi mori nella fabbrica e se non travagghi mori per la fabbrica.

E poi unu mori u stisso.

E quello che resta e il titolo del giornale e il chianto della famigghia.

E poi unu mori u stisso.

E attorno tutti dicono che non ci sono chiu loperai. Che già eri morto prima.  

E poi unu mori u stisso.

E alla televisioni si parra di claun e di rivoluzioni di prastica.

E poi unu mori u stisso.

E se non sarà lidea sarà la fame. 

alli voti

alli voti

mi basta sulu na carizza

locchi ca mi talianu namurati

o nella voce tua quella cuntintizza

di chi parla di segreti mai cuntati,

è allora che io scordo questo affanno

questi anni senza senso

già passati

Calliphoridae

assicutannu muscuna

passo la mia vita

che qualche vota ne acchiappo una

e la tengo stretta nelle mani

a cunchitedda

prima di lassarla iri,

per continuare a vivere.

Iu

Iu,

quannu mi siddiu,

acchiunu supra al cielo e ci lassu locchi

a fare  nuvole di pioggia, finu a murari,

oppure affunnu pi ciccari aria nuova

ne me pinseri, no me mari.  

Iu,

quannu mi siddiu,

mi fannu mali lossa e marrattu, nzavaniscu

e non cinnaiu paci.

E certo

iu,

quannu mi siddiu,

u sapissi chiddu ca cè di fari,

ma penso e ci ripenso e ancora

e ancora,

poi minni tonnu a dommiri

o a mangiari. 

cutulinu

No, non è a vuci,

è quest'anima arriciatata.

Muta, senza di tia,

bedda gnisina,

a muzzicari Amuri.

Semola

Su fussi tuttu facili

sparissi

facissi puff! comu i maghi 

minni issi

in qualche altro posto

a jucari.

Su fussi tuttu facili

massittassi supra a un pisolu

taspittassi

fino a viririti passari

"Unni vai?" ti ricissi e

ti pigghiassi pa manu

prima davvulari.

Di `na rosa nasci `na spina. Di `na spina nasci `na rosa. -

Quannu u ciumi è a siccu

si virunu i petri,

arresta u fangu

no cori

meteoropatia

Appena passa a calura marresta 

nellossa un friddu 

comu di nivi. 

Amuri.  

Quasi primavera

Appoi

attacca a chioviri e pari

ca st'acqua niura vulissi sulu cummigghiari

a iurnata.

Accumenciu, allura, ca testa a trafichiari:

pinseri babbi, cose successe,

cose ca putevunu accapitari.

No ricu a st'animedda c'aspetto sulu ca scampi,

c'arrivi u suli cauru ad asciugari,

ma è cu stu pinseru ca m'affacciu

alla finestra e l'occhi

arrirunu

quannu sentu a vuci china da terra

chiamarimi, u ciauru,

comu tra li tò jammi,

acchianari.

lettere

attruvai arreri a muarra

un biglietto

ca sapeva di tia.

era un pizzuddu tuttu scicatu

che le parole

si dovevano immaginare

e tutto il resto, macari.

no menzu una macchia di inchiostro

e poi

piccole cose ammucciate, cancellate

a farimi mancari u ciatu

la fatica dell'acqua

ni scurdamu u bummulu

inchiutu alla funtana

la fatica dell'acqua

a biddizza do riposu

no travagghiu

A iatta

Appena avi vogghia di iucari

a iatta

sattisa tutta e sallicca,

salliscia,

si intrufulia ammenzu a li iammi comu

fussi un desiderio,

na vogghia

ca ti veni a truvari.

Iu fazzu finta di nenti

che a darle attenzione poi

non ta scuddurii chiù,

su idda non voli.

Continuo a scrivere e a santificari.

Ad ammuttari u tempo, l'anni.

Continuo. 

Quis enim modus adsit amori?

Appoi,

quannu ni viremu,

u munnu comu a statu finisci e 

u munnu comu sarà non ciavi chiù importanza.

E semu petra ca non si rumpi,

mare di naviganti.

Acqua e suli,

fami ca non passa,

semu luci

no scuru dei scaluni.

nuddu ammiscatu ccu nenti

sugnu terra e scantu

di ventu tra li fogghi

sugnu radice che cerca

e si inturciunia a ligari 

sugnu ramu spizzatu

da li me timpeste

iuncu

ca non mori

sugnu ciuri e fruttu

rialu damuri

sugnu furesta

ca si movi e canta

filu d'erva

ca si fa friscalettu

sugnu acqua e aria

ummira e suli

sugnu tempu

Ciatu di ventu

Quannu accumencia a acchianari sta vogghia

non ce chiu pinseru,

tuttu peddi importanza,

diventa rina

tra li ita.

Non su sulu i razza, a ucca, i cosci to

a mancari,

chiu forti di chistu u turmento di non aviriti vicinu:

l'occhi ca non ti trovunu, a siti ca non passa,

a cuscienza di non putiriti, macari di nenti,

parrari.

E sugnu, allura, comu ciatu di ventu ca non trova u mari

e furia,

e furia,

finu a calari.

partita doppia

Su cuntu e ricuntu

ogni cosa, ogni virgola,

ogni arrisuttanza,

mi pari giusta.

Allura chi è st'ammancu

ca mi vota l'anima,

ca mi leva u ciatu?

Passiu e parru.

E tuttu pari ca manca,

quannu non manca nenti.

cronache cittadine

Chittaia diri?

A genti na strada passa, comu sempri,

ora però, allatu alla cassa - na merceria -

ci misunu un cartello: "andrà tutto bene" c'è scritto acculuratu.

Na festa.

Comu fussi nautru munnu e non chistu, unni vivemu,

comu fussi sulu

questione di testa

e la santa morte leggenda, favola di picciriddi,

insomma cosa lontana, poco onesta.

Ne me ossa ancora u suli spunta 

e sprofonda mentre la notti

sadduma e do to ciatu

cunta.

Di novu mi pari non cè nenti

na sti iurnati, na ni sti momenti.

Accussì mentri minterrogo su chiddu ca sentu

mancu stu disiu mi pari novu,   

stu disiu caddiventa tormento.

Zalora

Adduma na cannila a carusidda 

no scuro da so stanza a furiari.

Unni è, unni cascau a fridda unza, 

l'anidduzzu ca la fici già piccari?

Non lo trova du tesoru e smania 

ca pari strummula u cori in tempesta

(casca, non casca) e a so testa 

parra, sogna, ntruppica e disia.

Quannu alla fini chiddu nesci fora

co ciatu idda astuta a luci e si occucca. 

L'amma so na notti luccichia... rommi mia Zalora!

assioma

Sastuta u suli

ni sta notti di stiddi,

sastuta l'acqua

unni vugghi a fami,

sastuta a vuci

ca ti cattigghia...

picchì non savissa astutari

macari stammuri?

cinema

Prima ancora ca finisci u filmi saccumencia

a immaginari lesito,

a fare previsioni.

"Talia a chisti" veni di riri,

si unu non ciansetta.

Comu fussi chidda a propria vita,

comu

su ciavissumu arrinisciutu sempri.

respirare

Chittaia diri?

Ca si ciauru di pani,

di tavula cunsata a festa?

Ca si meravigghia di passulina,

scoccia daranci zuccarata?

Chittaia fari?

No sai chi facissuru sta ucca,

sti iammi ne to iammi, 

i manu ca ti cercunu assitati? 

Sugnu ciatu ca sattacca na specchiera,

signami ancora cu li to ita.

Pidgin

Quaccuno maddumanna

picchì scrivo accussì,

chissù sti frasi,

sta lingua ca curri,

arruzzulia,

ca non si capisci.

Iu non cinnaiu risposte e

non ni vogghiu aviri.

Sulu mi piaciunu sti paroli

imbastardite, sti cani

casallicunu na trazzera

per il tempo di un saluto e poi

tornano a ciauriari u munnu.

[condomini] incontri

 "Un tempu cera unu ca viveva in una utti felice e non vuleva chiossai di tannicchia di suli" 

No sacciu picchì mi rissi sta cosa però non ci resi tanta importanza. In fondo iu passiava tranquillo pe cazzi mia e non è che potevo badare a tutto. Chiddu però cuntinuau e allora non potti fare a meno di taliarlo. Era scausu e senza renti però allicchittiatu comu fussi festa.

"Lomini però no vulevunu sentiri e cercavano gloria e fimmini e ricchizzi"

Mi pareva che continuava a parrari ammia però non ne ero sicuro che ciaveva locchi che mi trapassavano comu su fussi stato trasparente. Di vitru. Fici tutto un giro cu locchi ma la strada era deserta e insomma a qualcuno ce li diceva quelle cose. Mi vutai di novu per vedere se per caso mi era sfuggita qualcosa. Nenti. Sulu u basulatu niuro e i mura loddi della città.

"Accussì continuò e accussì continua sulu ca chiddi murenu tutti e morunu. Quello invece sopravvive ancora"

Addivintava un bello rebus la discussione e iu non cinnaveva pazienza pansittari la risposta. Mi vutai e fici un passo. Qualcuno però accuminciau a ririri accussì forti ca mi sintii pigghiatu po culu. Accussì per istinto ci vosi diri qualcosa a quel malarucato ma la parola non nisciu che quello era già sparito accussì comu ava spuntatu. Mi tuccai in fretta i baddi e camminando fici finta di nenti.

[condomini] culu di iaddina

Totò ascuta canzuni. Su canzuni vecchi e su canzuni novi e non tutti ci piaciunu e non tutti i canusci.

Ogni tantu però sarritrova a chiuriri locchi e quello lì Toto non è chiù nella sò stanza e non cè chiù u frigurifero e a cucina e u tavolo che piatti loddi. Non cè chiù stu tempu ca ninvintamu. Stu tempu ca ci pari sulu vogghia di nuvità. Stu tempu di frischi minchiati di iunnata. Non cè chiù stu culu di iaddina.

'Npinseru vola alleggiu alleggiu na stanza e na testa di Totò non cè chiù prisenti. Non cè chiù passatu. Forse arresta sulu chiddu ca non fu ma ca sempri pò esseri  e ancora.

[condomini] la verità

"e accussì Totò e inutili ca annachi a testa a virità e chiù semplici di ogni cosa e semu nuatri ca non vulemu viriri e tissemu e abbillemu i fatti sulu picchì in questo modo i putemu giustificari e giustifichiamo a noi stessi. ed è sempri accussì dalle cose chiu niche a quelle chiù ranni. dalle corna allamore. dalla miseria alla ricchezza. dal risveglio allora in cui ni cuccamu. eppoi cè nautra cosa ca ti vogghiu riri Totò ed è che macari ca è semplici la verità nuddu a sapi mai. no narririri. non è una cosa sciocca. metti ad esempio ca iu ora ti offru nautru bicchieri di vinu. tu putissi pinsari ca u fazzu picchì sugnu una brava persona e macari pò capitari ca tu ti immagini di essiri unu sumpaticu. unu con cui la genti si trova bene e che sapi ascutari e tutte le minchiate di questo tipo ca ti passunu no ciriveddu. e io invece mentre tu intrizzi sti pinseri e vivi putissi essere sicuro di averlo fatto picchi non cè nuddu cà nella putia. pi parrari. e macari su tu non mi piaci megghiu di nenti. oppure picchì voglio pavoneggiarimi e sintirimi generoso e insomma ti viru ca non ciai mancu un soddu. insomma da qualunque parte a taliamu sta cummedia a truvassimu sempri una verità. chidda ca ci piaci chiossai. chidda ca ci fà chiù comodo. e ca veni il bello caro il mio Totò. picchì a verità non sulu è semplici e non si pò canusciri ma cè macari il fatto che idda ciavi milli facci. e nonostante sia accussì ogni faccia arresta sempri virità ed è sempri vera. la vera verità! ah ah ah non ti pari na pazzia sta cosa? sta vita?"

[condomini] la palla

Amato ogni tanto lo sento ca mi fà piaciri sempri discurriri cu iddu che è poeta eppoi è chiù vecchiu di mia e allora tannicchia di cumpagnia non ci pò fari mali a tutti rui.

Aieri mi parrava do munnu e delle persone.

"Viri Totò la gente tutti noi semu comu una palla bella acculurata una di quelle che ti arrialano quannu sì picciriddu e tu a teni ne manu ne vrazza e già sogni di addivintari come a maradona o di fari canestro da tutti i lati del campo o macari solo di lanciarla e di iucari sempri felici e invece appoi a picca picca la senti caddiventa chiù moscia e non capisci e non sai.

Finalmente quando non cè chiù nenti di fari poi taccorgi che cera un puttusiddu nicu nicu e tu non eri riuscito a vederlo e manco a sentiri laria ca nisceva. E accussì tuttu finisci"

Io ciaccalai la testa che tannicchia u capeva e tannicchia invece no.

Il caffè nel frattempo sera agghiacciato.

Zalora

Adduma na cannila a carusidda 

no scuro da so stanza a furiari.

Unni è, unni cascau a fridda unza, 

l'anidduzzu ca la fici già piccari?

Non lo trova du tesoru e smania 

ca pari strummula u cori in tempesta

(casca, non casca) e a so testa 

parra, sogna, ntruppica e disia.

Quannu alla fini chiddu nesci fora

co ciatu idda astuta a luci e si occucca. 

L'amma so na notti luccichia... rommi mia Zalora!