Ciccio camina tuttu annacata ca iddu è u figghiu di Nicola u cuzzularu e tutti sana scantari.
Ciccio ciavi una motocicletta ca è la copia di chidda di Valentino Rossi. Però è chiu nica. Per i picciriddi insomma. Ciccio con la motocicletta ci fa il giro del palazzo e furia e furia e assicuta i machini ca nesciunu do posteggio e dalla piazza e prova a impennare macari su casca e saddifetta e ammucciuni ci tocca u culu alle fimminedde ca iocanu davanti al negozio di tuttuneuru.
Ciccio ciavi già tannicchia di panza e i capiddi tagghiati cutti cutti di latu e tunni na testa comu fussi na suppera. Dici ca si usunu accussì. I pantaloncini e la maglietta su do Catania ca non cè nautra fede.
Ora ca finisci a scola i giri sarannu chiossai e macari i gelati e le patatine fritte accattati alla pizzeria di Santa Lucia nillautru lato della strada.
So o pà si fa viriri ogni tanto però u talia sempri do balcuni ca Nicola è ai domiciliari e non pò nesciri. So o ma' mossi ca Ciccio era nicu. Dissuru ca fu un incidente però nuddu fici dumanni. A sò casa a notti cè u passiu e Ciccio cetti voti ca marritiru tardi assai u viru ca saddumisciu nelle scale ca sarà da quanto tempo era fora per non disturbare.
Oggi mi firmau cheppoi è macari arucatu u carusiddu per chiedermi su vulevu pisci ca so o pà aveva fatto una bella pescata. "Pisci? Ma su non pò nesciri!" ci rissi. Ciccio arririu prima darrispunniri "Me o pà può fare tutto" e appoi sinni iu sopra alla moto senza mancu aspittari di sapiri se mi interessava oppure no na bella mangiata.
Nessun commento:
Posta un commento