[condomini] OF

Ora arrivau no palazzu sta coppia di carusi. Ciavranno trenta anni a testa. 

Idda è nicuzza e che minni rossi. I capiddi niuri su na foresta ca ciammuccianu una facciuzza di picciridda. Alli voti mi pari cavissa cascari annavanti cu tuttu du pisu ca si potta dappressu. 

Iddu invece è siccu siccu comu savissa fattu a guerra. I capiddi su picca però si capisci ca sutta ciavi un tesoro da cumu idda u talia.

Insomma su du bravi cristiani. Si presentanu a me porta quannu ficiuru u trasloco. "Buongiorno noi siamo i nuovi vicini" mi rissunu. "Io sono Michela e lui è il mio compagno Giorgio". Mi presentai macari iu e ci fici ncafè. Poi parramu tannicchia da casa cavivunu pigghiatu. Do condominio. Do travagghiu ca facevunu. Non ci capii assai di questultima cosa ma insomma pinsai ca fussiru cosi di cinema che lei mi riceva sempri ca facevunu riprese. 

A matina nesciunu taddu da casa e sarritirunu prestu chini di spisa. Però su sempri beddi abbissati e puliti e salutano ogni vota quannu mi virunu.

Michela è chidda ca parra chiossai dei rui. Ciavi tannicchiedda na vuci di iaddinedda però non disturba assai a sentirla anche pecchè non ciavemu cosi assai di riri. A notti però da vucici cangia. Addiventa comu a chidda do ventu na tempesta. Come a un uragano.

Accumincianu presto le trasformazioni. I sinteva acchiapparisi comu du dannati e poi futtiri comu i selvaggi. A commedia cangiava spissu ma fineva sempri no stissu modu. Na vota era idda ca ci riceva ca era stanca di corna. Na vota era iddu ca a chiamava tapallara. Alli voti mi passi macari di sentiri u stissu suono del frustino di Ianu u stadderi. 

Sarà stato per questa cosa do cinema ca fanu accussì mi sono detto però loro lavissuru capiri ca a casa è nicuzza e le pareti sù comu di polistirolo. Insomma avi nmisi ca mi sposto a dommiri na cucina pi non sintirili. 

Tanu u chianchieri mi resi aieri unidea ca iddu ci piaci viriri tutti sti filmi no telefonu ca rici su amatoriali e minni fici viriri unu pifozza. "Lha taliari chistu. Spettacolare. Ci scrissi nella ciatti ca vogghiu partecipare macari iu". Fu chista la cosa ca mi fici pinsari. Insomma cu na scusa mi fici rari di Tanu una cassa della musica e lindirizzo dei suoi filmini e stasira appenna attaccunu ci mettu a me coppia a vuci di testa. Macari sta vota u capisciunu e mi fanu rommiri.