[Condomini] Nicola

Accapita alli voti la furtuna ca unu attrova chiddu ca circava macari senza sapirlu e accussì fu pì Nicola ca a sò futtuna fu di truvari ammenzu alla strada na vicchiaredda ca ci rissi: "Bi chissì beddu! Ci veni cummia?" e iddu ci iu e poi ancora e ancora ca ogni vota sinni tunnava a casa co pottafogghiu chinu e a minchia vacanti. E sta cosa durau npezzu che alla fini Nicola lassau pi tantu tempu a so casuzza e accuminciau a fari a vita do signuri. 

"Ma non ti veni u scuncettu?" ci ricevunu lamici e nel frattempo si vivevunu a birra offerta pi festeggiare quella novità. "Ammia mi piaci da fimmina. Non è un sacrificio. Macari su è tutta arrappata. Macari su i minni ciarrivanu na panza. Ammia mi piaci. Chicci pozzu fari?" ciarrispunneva Nicola e arrirevunu lamici e vivevunu e mangiavunu con gusto ca tutto era a gratisi.

Accapita alli voti ca i cosi finisciunu e accussì fu macari per Nicola ca a vicchiaredda muriu e i soddi finenu e iddu sinni turnau a fera a vinniri i robbi de cinisi. Epperò non si lamentava e non riceva nenti ca tutti pinsavunu ca u spassu sillava pigghiatu e non sempri è pararisu." Chiffà nesci?" ci ricevunu ancora lamici ma iddu sinni stava a casa ca non puteva spinniri e allora non cera gusto riceva.

Oggi uncuntrai o cimitero ca ci stava puttannu i ciuri a da fimmina. Comu su avissu spiatu na me testa mi rissi:"Io ci vuleva beni. Non erunu sulu i soddi. U sai minsignau tanti cosi dà cristiana e mi fici viriri u munnu comu pò ghiessiri e i cosi belli ca ci sù su ciai a pila. Accussì la ringrazio ancora ca macari a vita mi pò cangiari di novu. Non si sa mai. Iu ci tentu ogni iornu ca maccattu i biglietti do gratta e vinci no tabacchinu e però ancora non ciaia arrinisciuto". "Ma non si sa mai!" Arripitiu.

Ciaccalai la testa che la discussione puteva addivintare longa. Che ciavissa rittu ca non si trasformano i cosi su unu cecca sulu a futtuna. Ca o si cangia tutto e tutti o non si cangia nenti. Ca ie stu munnu ca non funziona. Epperò u visti accussì tristi ca non mi vinni di mancarici di rispetto. Cè sempri tempu na putia pi parrari.