"Arreri a casa cè na chiazza nica nica ca ci iucavunu e ci iocunu ancora i picciriddi e oggi però ci posteggiano macari i machini che quasi non cè chiù spazio. Ni sta chiazza ci passavunu e ci passunu ancora i cani senza pattruni. Furianu vicinu o muru pi non farisi viriri. Pì non farisi nsuttari.
Iu quannu era nico na sta chiazza si firmava u gilataru e macari u fruttarolu caspittavunu i panari ca scinnevunu do balcuni e lordini e vuciavunu a sò mercanzia Quannu mossuno ca erunu vecchi u gilataru e u fruttarolo non vinni chù nuddu a vanniari che non ce nera chiù bisogno.
Su maffacciu i viru ancora tutti sti cosi macari ca su sulu na me testa e viru ncarusiddu ca sarritira no scuru de stiddi e frisca tuttu cuntentu e pagghioli ca iocunu ancora co carrettu a pallini e fimmini ca passunu tutte allicchittiate pi iri alla missa e sentu u sgrusciu dei piatti na tavula e le discussioni a vuci di testa dalle finestre ca unu no sapeva bonu su si stavunu acchiappannu o eranu sulu surdi e marriva ancora na nasca u ciaru do sugu calleggiu alleggiu coci supra o focu e inchi laria e la memoria. "
Totò ascuta u vecchiu e non ciu rici ca iddu i sapi tutti sti cosi. Non cè bisogno. I vecchi vannu ascutati macari ca si scordunu i cosi larii e tuttu na loro testa pari na favula. Picchì è chistu chiddu ca ciavemu di bisogno. Che la vità non è sulu scantu.
Nessun commento:
Posta un commento