Du cimineri senza fumu,
npalazzu sputtusatu unni crisciunu antinni,
i cappeddi do cimiteru a fari luci di notte
e appoi u mari darretu,
a respirari.
Na strisciulidda chiu scura do cielu
ca pari addisignata ca riga,
acculurata che matiti.
Ogni tantu u iancu di na vila
a signari unni a manu si stanca,
unni u viaggio torna a farisi sognu,
fantasia.
Nessun commento:
Posta un commento