Mi fici una doccia e masciugai allaria della sira. Avanu tunnatu tutti i vuci del palazzo e na strada currevunu i motorini e i cunti a vuci di testa dei carusi. Luntanu na varcuzza no mari e i luci do cimitero a farisi cumpagnia na li me occhi. Fussi stata na bella sirata senza quell'inghippo.
Appena susutu minni ii al bar a pigghiarimi na raviola fritta e ncafè. Cera Mariu munnizza di turno e quasi nuddu davanti al bancone. Chiù tardu di sicuru fussi statu chiù chinu ca ormai era partita la stagione delle granite e delle briosce ma a quellora ancora si raggiunava.
"Aspetto pò cafè?"
"E certo! Tutto bene? Quannu ci vai in ferie?"
"Quannu voli u signuruzzu e u patruni. U sai ca su tempi difficili chisti"
"Eccomu no?"
"Ta viristi a partita assira"
"A partita?"
"A finali. Nun ta viristi?"
"Maddumiscii"
"Vabbè non ci piddisti nenti. Pessimu"
"Iucanu accussì mali?"
"Parevunu i carusi delloratorio"
"Fammillu va stu cafè"
"Subito"
"Senti ma tu u sai unnè u chianu di lovvi?"
"U chianu di lovvi? Forse vo riri u chianu 'e malati"
"No no nenti mi rissunu accussì. Ni viremu o chianu di lovvi"
"Mi dispiace ma iu no sacciu unnè. Fulippu! Fulippu! Tu u sai unnè u chianu di lovvi?"
Aveva urlato accussì forti che tutti dentro al bar serano furiati e ora aspettavano la risposta dal laboratorio unni cera Filippo il proprietario a fari i pezzi di tavola calda.
"Forse vo riri u chianu 'e malati?" Arripitiu chiddu comu u so giuvini. Iu fici sulu una smuvuta di testa. Un sorriso. Pavai e minni ii.
Post
0 commenti:
Posta un commento