Cincu, otto, recianni,
stetà insomma.
I chiu nichi furianu tunni tunni attorno o palazzu
ca bicicletta o co muturino ca fa sgrusciu,
co monopattino truccatu.
Parunu lapuni senza ciuri, suggi ca scappunu
no spiazzu assulatu.
I chiu ranni, invece, sassettunu tra i machini posteggiati,
o sappoggiunu o muru vicinu e cancellati.
Cazzuliunu co telefonino, ascutunu canzuni,
su passunu e si fanu fotu, si scangiunu filmati.
Si fingiunu attori e registi, teatranti e zingari,
generali e suddati.
Tutti cianu maleducazione e panzi rossi,
facci tunni e bestemmie na ucca,
strafuttenza e coppa ne manu,
poi però i viri chianciri a prima cascata,
a prima delusione dillamici e
"su picciriddi" ti rici, ca fossi
mancu ciava pinsatu a sta verità ammucciata,
a stu fattu stranu:
insomma, ca sopravviviri è ancora umanu.
Nessun commento:
Posta un commento