Pulici

A criatura ancora piccia,

non cia finisci chiù di lastimiari.

So matri continua, paziente, a cucinari.

Ciattaccau u sparatrappu ne iammi

e sinni iu quasi senza chiù taliari.

A bicichetta è ancora nterra no cuttigghiu

vicinu o palluni scoppio,

a paletta do mari.

So frati a sconcica. A trizzia. 

"È na fissaria" ci rici.

Idda u talia stortu,

non cinnavi vogghia di babbiari.

Dura un attimo, nsecunnu.

Quannu di novu arrirurunu nsemula

sbrizzia u munnu in festa. 

È ora di jucari.